Azerbaycan`da neler oluyor?

Hacı Taleh adlı bir siyasi məhkum Azərbaycanda günlərdir aclıq aksiyası edir. Bu aclıq aksiyasına səbəbsə polis bölmələrinin birində Allahın söyülməsidir. Bəli, müsəlmanlar üçün Allahın söyülməsindən daha aşağılayıcı hal yoxdur və ola da bilməz. Siyasi məhkum olan Hacı Taleh də etiraz olaraq aclıq aksiyasını israrlı şəkildə devam etdirir. Hacı Talehin tələbi Allahı söyən polisin cəzalandırılmasıdır. Və o şəxsin cəzalandırılacağı günə qədər aksiyanı dəvam etdirəcəyini vurğulayıb.

 

Digər bir məsələ də Azərbaycanda qaynayan məzhəbçi tutumdur. Məlumdur ki, Azərbaycanda şiələrlə yanaşı sələfi və sünnilər də yayğındır. Ancaq Hacı Talehin aksiyası hər hansı məzhəbin, firqənin müdafiəsi adına yox, sırf bütün məzhəb mənsublarının da iman etdiyi Allahın söyülməsi səbəbilədir. Lakin acınacaqlı hal odur ki, məzhəb təqlidçilərinin əksəri bu məsələyə belə məzhəbçi pəncərədən yanaşır. Yəni polisin Allahı söyməsi bir kənarda qalıb, insanların çoxu Hacı Talehin məzhəbi, əqidəsi və s üzərində adaptasiya olublar.

 

Bəzi sünni və sələfilər Hacı Talehin aclıq aksiyasının səbəblərini müzakirə etməyi buraxıb onun İrana olan sevgisi, onun əqidəsi, şiəliyin içindəki batillər, Hacı Talehin başqa məqsədinin ol bilməsi üzərində dayanırlar. Bu məsələ həqiqətən halı acınacaqlı olan Ümmətin acınacaqlı rəsmidir.

 

Təsəvvür edin bir insan Allahı söyülməsi üzərindən aksiya keçirir, digər sünni və sələfilərsə o insanın şiə olduğu, şiələrin də xristianlardan da pis olduqları, şiələrin təkfir olub olmaması söhbətlərinin, üzərində ilişib qalıblar. Allahı söyənlər, buna göz yumanlarsa tamamən müzakirələrin xaricində qalıb. Bəli, məzhəb təəssübü, hər məsələyə məzhəbçi yaxlaşımın acı nəticələri belə hallarda da özünü göstərir...

 

(Hayal Vidadioğlu, Azerbaycan'dan İslam ve Hayat için yazdı)